Бүгүн, 30-мартта Ноокат районунун акими Бекболот Айтиев Куранды жатка окуу боюнча Республикалык мелдештин жеңүүчүсү Ноокат районуна караштуу Гүлистан айыл өкмөтүндөгү “Атаназар кары” медресесинин кыз-келиндер бөлүмүнүн окуучусу Махмуджан кызы Мабруланы Республикалык Куран жарышында 3-орунду алгандыгы үчүн Ноокат райондук мамлекеттик администрациясынын ардак грамотасы менен сыйлады. Аталган сыйлыкты бүгүн райондун акими Бекболот Айтиев медресе окуучулары менен жолугушуу учурунда тапшырып, окуучулардын алдыдагы окууларына ийгилик каалады. Махмуджан кызы Мабрула 19-мартта Ош облусунда өткөн 30 пара Куранды жатка билүү боюнча Куран жарыш конкурсунда 1-орунду, 25-мартта Бишкек шаарында балдар-кыздар арасында аралаш өткөн Респулбикалык Куран жарыш мелдешинде 3-орунду камсыз кылып, 55 000 (элүү беш миң) сом акчалай сыйлык менен сыйланган.
Эскерте кетсек, Республикалык Куран жарыш сынагында 1-2-орунду эркек балдар алса, ал эми 3-орунду Кыргызстан боюнча кыздардын атынан Махмуджан кызы Мабрула 30 парани жатка билип, тажвид менен мыкты окугандыгы үчүн жеңүүчү болуп табылган.
NOOKAT.ORG 